په ایئرجنگءُ ناهکین بهتام بلوچ راجءِ حقءُحقوق ءِ جهد تاوان بار ب
په ایئرجنگءُ ناهکین بهتام بلوچ راجءِ حقءُحقوق ءِ جهد تاوان بار بیت.
مروچی بلوچستانءِاڑءُ جنجالان مئیگ ءُ شمئیگ پهکانی دیما انت.بلوچستان مان یک نازوکین ءُ مشکلین ماحولیءَ گرءُ چیل انت.ایران ءُ پاکستان بلوچ راجءِ نسل کشیءَ په تیزیءَ دیما بران انت.
سجئین بلوچستان چه وتی شیرمزارانی هونان سهر انتءُ هر یک پِٹءِ هون یک سهرین پِلے رُودیت ، اے پُل بلوچ راجءِ نوک باهندین پُسگ ءُ دُهتگ انتءُ هر یک اَرسی ترمپ ءِ که رچیت آچوش که چهبارءُ گوادرءِ زرے چولان دیم په زالمین ءُ هون وارین پاکستانءُ ایرانءِ اسلامی رجیمءِ سلاحبندین فوجی ءُ پاسدارانءَ لپاشانءُ روان انت.
بلوچستانءِ راج چه وتی دانشورین قوم ءُ راجی تنظیمءُ پارٹیان لوٹ ایت که آ وتی ماتین گُل زمینءَ وتی ننگءُ ناموسءَ مان اے نازروکین ءُ سهتین ماحولءَ ایوکءَ مئیل آنت.
په ایئر جنگءُ ناهکین بهتام جَنَگ ءُ هنچوش ٹگی ءُ پلینڈیءُ ناتپاکی، بلوچ راجءِ حق حاکمیت ءِ جهد تاوان بار بوتگءُ بوئگا انت.
من چه بلوچستانءِ راجی زرمبش،بلوچستانءِ اُستمانءِ گل ءُ هنچوش اے دگه روشینهیالین بلوچ دانشورءُ کواسان دزبندی کنان که ا بلوچ راجءِ جُنزءَ الکاپیءَ گیشءُ گیوار بکن انتءُ گون تپاکیءَ بلوچ راجءِ حقءُحقوق که هما حقءِ حوا دارادیت،حقءِحاکمیت یاکه وت مستری انت دیما ببرانت.
ماتین گُلزمین چه مغربی ءُ رودراتکی بلوچستانءِ بلوچ جهد کاران دزبندی کنت که آوت مان وتی کشت ءُ کُشءَ دست بکش انت چیا که ادان سرپ پاکستان ءِ زالمین انتلجنٹ سرویسءُ فوج ءُ ایرانءِ اسلامی رجیمءِ سلاح بندین حکومت ءُ آئیئے هونوارین پاسداران سوب برانتءُ بس.
منی هیالءَ اے ماحولءَ هن پارلیمانی ءُ هن مسلحانه جدءُ جهد لازمی انت. اےهردوئین گون تپاکیءُ هورکاری ءَ وتی جهدءَ دیما ببرانت. چیا که بلوچ راجءِ حقءُحقوقء ایوکین مادن (کِشک ) تپاکیءُ هوری انت.
نوهان سربازی
2010
سپتمبر
