بهمنے انقلاب ءُ بلوچستانے راجی زرمبشت
۱۳۵۷ءَمان بهمنءِ ۲۲تاریخءَ مان ایران که هورین راجانی ملک انت انقلاب بوت. بلوچ راج هنچوش که اے دگه راجان مان اے انقلابءَ بهر زورت.
۱۳۵۷ءِدی ماهءَ ۲۶تاریخءَ بزدلین ءُ دیکتاتورین محمد رضا شاه گون وتی خاندانءَ تتکءُ شت. گون پهلوی حاندانی تچگءَ آئی شاهے نحت چپیگ بوت .
بهمنءِ۲۱تاریخءَ جادوگرین ملا خمینی وتی شومین پادءَ مان ایرانءَ ایر کت. بهمنءِ ۱۵تاریخءَانجیئنر بازرگان ایرانے اولیگین هداروکی وزیراعظم گچین کنگ بوت.۱۰روچ ءَ رند چه بازرگانے وزیراعظمیءَ فوجے نیرو هوائیءَ وتی همدردیءَ گون انقلابءَ درشان کت.
ملا خمینی په وتی پوسیتگین نظامے هاترءَ عراق ءُ ایرانے جنگی بنگیج کت که مان اے ۸ سالے جنگءَ میلیونانی هسابءَ مردم کشگ یان که ٹپی بوت انت.
بهمنے انقلاب ءَ مزنین جزبگے مئے راجے تها ودی بوت، بلوچستان ءِ راجی زرمبش، سازمان دمکراتیک مردم بلوچستان ءُ حزب اتحاد مسلمین تنها بلوچی تنظیم ات انت که مان بلوچستانءَ فعال ات انت.
گونڈین مدتے رند سازمان دمکراتیک مردم بلوچستان پرشت و پروش بوت وبازینے چه سنگتان گون اے دگه سراسری حزب و سازمانان هوار بوت انت که بلکین وتی حق و حقوقءَ چه اے راهءَ بگرانت.
بلوچ ورنا مدتے ءَ رند پوه بُرت که گون اے تنظیمانے هواریءَ، بلوچ راجے حق گرگ نبیت. بازینے چه اے بلوچان پکر کت که گهتر انت گون بلوچی تنظیمے هور ببنت ءُ وتی جهدءَ دیما ببرانت . گڑا بازین راج دوستے چه وتی پیسریگین حزب و سازمانان در اتک ءُ گون بلوچستان ءِ راجی زرمبشءَ هوار ءُ وتی نوکین سیاسی جهدءَ را بنگیج اش کت.
۳۲ سال چه اے انقلابءَ گوستگ.مان اے ۳۲ سالانی تها ایرانے نندوکین راجان خاص بلوچ راج وڑوڑین زلمانی آماج بوتگ.روچے نیست که مان بلوچستانءَ چنت نپر کشگ یان که پاهو دیگ مبیت.هر روچ ءُ هر هپتگ بیے گناهین ورنایانءَ پاهو دیگ بنت،بیے گناه ءَبلوچ راج ءُ مهلوکءَ مان وتی ترسناکین ءُ بیمناکین بندیگجاهان بندیگ ءُ لٹ ءُ کٹ بنت .. په درورءَ: مکی مسیتءَ گون هلیکو پتر ءُ آر.پی.جی بمبار کن انت باهوکلاتے لوگان ءَ بمبار کن انت
ایرانے اسلامی رژیمے سلاحبندین فوجی گون وتی پلیتین تیران کسان سالین رویا سارانیءُ شهید کنت ءُ ۱۷ سالگین سعید قنبرزهیے پاهو دینت......
گوستگین سالا چُش که پیسریگین سالان سدانی هسابءِ بلوچ مان ایرانے اسلامی رژیمے هونوارین و نا انساپ پسندین هکومتے واکانی دستا پاهو یان که فوجیانی تیرانی آماج بوتگ انت. اے مدتءَبازین مات و پتے چه وتی چوک و هنچوش بازین چوکے چه وتی پت ءُ مات ءَ سوگیءُ زبهر کنگ بوتک انت.
ایرانے گوستگین ءُ هنوگین واکدارانی مدیمی کوشست همے بوتگ که آ بلوچ راجءَ گار و آییءِ ملک ءَنیست و نابود بکنت. کومی شعورءُ زانت ءُ راجی دودوربیدگءُ بلوچی زبانءِ نشان ءَ گار بکنت تان همے گپ ءَ بیهال بکنت که آ وت یک راجءِ بوتگ ءُ هست انت ءُ یک وهد ءُ زمانگے آ وت یک ملکے ءِ واهند بوتگ.
من دزبندی کنان چه وتی راجءِ روشنهیالینءُ زانتکارین ءُ وانندگین مهلوکءَ که آ گون وتی تپاکی ءُ مچیءَ،هچ بر اےهون وارینءُ پلیتین ایرانءِ اسلامی رجیمءَ په وتی مکسدءُمرادانءِ کامیاب کنگءَ مئیلنت.
بلوچ راجء تپاکی ءُ مچی سوبین بات ءُ بلوچستان سبز ءُ آبات
نوهان سربازی
۲۰۱۱ فوریه
